Fran Allegre, músicu y artesanu d'instrumentos de las comarcas llionesas.



Franciscu Xavier Pozuelu Allegre (Fran Allegre)
Villareiyu d'Órbigu. Llión.
video
---Escomencipiéi cola la música nel 1995, dous años dipueis, seguí col esparcimientu cultural y artesanía de construcción de instrumentos musicales tradicionales llioneses.

------Artesanu:
-De formación autodidacta, basada na experimentación .
-Construyo zanfoñas, chiflas, tamborines, gaitas llionesas, rabeles, pitos, pandeiros cuadraos, panderas, arpas.
- Investigo dafeichu el cambiu y meyora de dichos instrumentos en formas, afinaciones, pero fago tamién reproducciones basadas en instrumentos antiguos o tradicionales.Afinaciones y formas de güei, o tradicionales.
- Faigo talleres didácticos de música e instrumentos tradicionales llioneses en colexios i institutos.La parte teórica basase na explicación de los instrumentos que faigo(ellaboración, afinaciones, soníos)con la escucha de ca un de eillos viendo diferentes ritmos tradicionales, al tiempu que se face un pequeñu paseu po la hestoria musical falando d'algunas representaciones d'instrumentos.Al fin se faerá una pequeña escucha de diferientes tipos de música basada na tradicional, pa que puedan sentir los alumnos que non hay lliendes na creyacción musical. Pueden tener parte práctica amás de teórica cola realización d'un pequeñu instrumentu de construcción cenciella.

------ Músicu:
-De formación autodidacta touco tolos instrumentos, menos la chifla y el tamborín, nos que me principióu el tamboriteiru Lucas Simón de Abajo.
- Compongo temas mieos, recueyo, por estudios de campu, composiciones tradicionales llionesas, y  dedicome tamién al sou esparcimientu.
- Collaboré col grup teatru de caleya “Batárnu” de Paterno. Polo que foi a Sicilia pa la participación nas xornadas medievales que acullá se facen.
- Foi miembru del grupu de bailles rexionales "La Barbacana", colos que grabei tres temas del Cd "Son de Ribera".
- Foi músico y collaborador, palos programas de radiu universitaria: "Cultura con @" y "el Filandero". Dial 106.
-Creador d'una pequeñu cachu musical pal documental feicho na ciudá de Llión “Sefarat,caminos y vida”grabao pola israelí Margalit Matitiahu, en Llión, y d'un tema pal programa “Elegidos” de “La Sexta”cadena de Tv, y pa anunciu del Diariu de Llión en Tv Llión.
Música "Enramadas" pal documental "Río Órbigo" del periódicu "La Crónica de Llión". Canción para "Camín de Cantares" de la Televisión Pública Asturiana.
-Collaboro con outros músicos, y artistas(facemos recitales de poesía, cuentos con efectos musicales, filandones...)
- Miembru fundador del grupu de folk leonés "Sueñu na veiga",(en 2003, 21conciertos realizados; 19 de ellos en Llión, 1 en Madrid, y 1 en Burgos) Güei en ta camudando con nueva incorporación de miembros (Acordeón, percusión tradicional,voz, violín,guitarra, y gaita.)(A la llista de instrumentos que facen el soniu'l grupu, hay que punere los que you construyo; Chifla, tamborín,gaita leonesa,rabel, zanfoña, arpa, pandeiru cuadrau.) La retafila sones será de folk de las comarcas llionesas arreglao, onque se xunen dalgunos temas propios d'inspiración popular.
-Actúo en solitario faciendo conciertos con tolos instrumentos que faigo(Chifla, tamborín, gaita leonesa, rabel, zanfoña, arpa, pandeiru cuadrau) , amás de col violín, faciendo música tracicional de las comarcas llionesas. Tengo equipu própiu de soniu. La actuación ye pa tolos públicos ya que se face prestosu al toucar dellos instrumentos. Conciertos, actuaciones en llugares de Madrid, Burgos, Sicilia(Italia), La Rioja, Guadalajara, Soria, Zamora, Valladolid, Salamanca, Bilbao, Cerdeña(Italia), Évora(Portugal)Ludwigstain, Witzenhausen, Fürstenhagen(Alemania),etc. Actuaciones promovidas por instituciones públicas(Junta de CyL, Axencias de desarrollu, Axuntamientos, Conceyos, Colexios, Institutos, etc) o privadas (Radio popular, Grupo Batarnú, etc).
-Preparo outros proxectos cumo la creyación d'un grupu de fusión folkleonés-metal.
-Grabación de temas de composición propia en mi estudio de ordenador con los instrumentos que construyo. (Disco de 10 temas:”Nel Caminu”)(Nuevu Discu"Nel Briezu")
-Dedícome tamién a toucar en bodas, procesiones, fiandones, cuentacuentos y arboladas.
---ESTUDIOS-Títulu de Bachiller, C.O.U y selectividad.-Cursu d'Acupuntura y moxibustión de China, na Escuela Superior de Técnicas Parasanitarias de Llión.-Conocimientos dinformática cumo usuariu (practico la escritura) i internet: Windows Xp, Microsoft Word, Cubase Se(Grabaciones musicales), Photosoft...-Inglés básicu falao i escrito.
---INTERESES Y ACTIVIDAES- Toy interesao nel conocimientu y conservación de la naturaleza.
-Interesao na cultura tradicional, n'especial en la de raíz ástur.
-Faigo estudios etnográficos y gravaciones de campu y publico artículos en medios reconocidos: Cultures, revista de la Academia de la Llíngua Asturiana:”La Cultura del vinu en Villareyu d´Órbigu y Santibañe de Valdeiglesias” y ”Fiestas nel pueblín de Villareyu d´Órbigu”"La pesca en dalgunos pueblos riberanos del Órbigu"(próximu). Revista Gandaya:Artículos d'instrumentos Llioneses. Diariu de Llión: Puemas, etc)
-Espublización de llibros: "Poemas pa nun ser lleidos".Ediciones Filandón en 2008.- "Sentir, y nun sentir sentire" Obra de teatru autoeditada en 2012. Antoloxía poética "Deixando'l cuerpu" 2015. Préstame too tipu d'arte, y practico la escritura básicamente poética.
-Estudiu e investigación, formación continuada desde el año 1995 de manera básicamente autodidacta en tolo que tien que vere colas mias actividaes de güei.
-Fotografía cumo aficionau.

No hay comentarios: